Tawaγit Sγur : D.Messaoudi

Posté par algeriedemocratie le 1 septembre 2009

Tawaγit

Sγur : D.Messaoudi

 

Ssawnen iberdan γer wumsixen i d-aγ-iḥekmen ; tiwwura derrεent, leṣwar zzin, d yiεessasen sufella s yibeckiḍen ittuheggan ad nγen yal win ara d-iqerben.

 

Win ğğan yuli, ḥesb-it nnsen, neγ ẓran mi iwweḍ zemren ad t-keblen, akken ad ssimsen akabar seg d-ikka. “A twalam ay-atma? Wa n FFS. Yax gar-aneγ amkan nga-yas, acu yexdem? Walu !”

 

Aṭas n medden ur ttwalin akin i wanzaren-nsen; ttamnen inawen n yeḥkimen-nsen, dγa γeṭṭlen uẓwiren d wuṣwiben, sebdaden iεluḍen d wuzligen.

 

Yuγal walluy γer uxxam uḍebber inğer kan i widen d-ilulen di “twacult tatawṛit”, and’akken tuγ aẓar twaγit, tegma u tecbek tamurt meṛṛa.

 

Ay tebγuḍ tiliḍ-t: d ameqqran-uεdis, d aγezfan-ufus, d bu-tqulhatin, d bu-tucmitin, d war-iseγ, d war-allaγ, d axeddaε neγ d aqettal, ma γur-k takarḍa-nsen, u tettedduḍ teqqareḍ “taḥya”, adrar ad ak-yuγal d luḍa, uguren sdat-k ad frurin, isaffen ad qqaren, akken ad tawḍeḍ s tγawla γer rreḥba n yemcumen.

 

Akka ihi, skud tettεemmir rreḥba n yemcumen, skud ittmettat usirem deg ul n yifeḥliyen. Tamurt tzedder, iqreb-d nnger. A-tawaγit-iiiiiiiiiiiiiiiiiiiiiiiiiiiiiiiiiiiiiiiiiiiiiiiiiw !  

Laisser un commentaire

 

The Soul of a Slayer |
AHL EL KSAR |
toutelactualite |
Unblog.fr | Annuaire | Signaler un abus | Halliburton Manufacturing &...
| Le Tallud 79200
| momema