Timizar : Ssuq n Lhed

Posté par algeriedemocratie le 1 septembre 2009

Timizar : Ssuq n LhedSsuq n Lhed kra din yessewhac !!!

Teɣzi n wussan, rnu ɣer-sen fad, laẓ, εaggu, azɣal ur d-nettiḥnin. Imdanen teddun mebɣir lebɣi zun akken d tamara i d-ten yesselḥuyen. Ula d rreḥba n tili wer telli iwakken ad ddarin wa d-steεfun xersum cwiṭ, ad rren nnefs. Ssuq n Lḥed i d-yezgan deg tɣiwant n Timizar deg ddayra n Waggenun, tefka anzi ɣer talt lxali deg wussan-agi imenza n remḍan.

Ur yelli wanda ara yerr umdan, akken ad yekkes lxiq wa d yettu tewεer n wussan-a ur nettfakka. Kra-nni tḥuna yeldin sewḥacent imi leɣla n cci yenfel ɣef lḥed-is. Lbusṭa leεmer tefreɣ si lɣaci : wa yettqellib ma tekcem lexlsa-ines, wa yesnaggar ɣer wayen i d-yegran deg trika-s. Ayen i d-yewwi umdan seg tedrimt ad yaf drus.

Kra yiselmaden d yixeddamen n uɣerbaz zgan ttḥitilen deffir l’ordinateur amendar tekcem la prime-nsen neɣ ala. Isenzef-iten unebdu : timeɣriwin, tirza akkin akka, mačči d ayen ara iqabel umdan.

30 n wussan n uskerker n tedrimt u mazal, imi yegguni umesruf n lεid akked d tuɣalin ɣer lakul. Qrib d tiselbi !

Mi rẓan yimdanen lmeɣreb, d nnuba n umesruf n yiḍ. Leqhawi ulac amkan anda ara yeqqim welbaεḍ. D tazzla ɣer ṭṭwabel. Kra tturaren dduminu, kra d runda, kra d ramy. Sin-nni n les cybers-café yellan deg Ssuq n Lḥed ur d ḥyin-ara. Yal wa anwa ttawil s ara yesεedi yiḍ, s ara yessedhu iman-is akken ad yawi lawan n ssḥur. Mača dima tlaq tadrimt. Awi-d ma d-tawiḍ !

Imḍebbren n tɣiwant ur yelli wahil i d-heggan akken ad yennecraḥ lɣaci deg uḍan-agi n unebdu qessiḥen. Xas ulama llant tdukliwin tidelsanin i iqedcen deg unnar-agi, ur yelli kra i d-yellan. Idles yexmet yeggujel deg tɣiwant n Timizar, xas ulama icennayen akked d inaẓuren ur xusen-ara deg temnat-agi.

Ilmeẓyen i yebɣan ad ccnun llan, maca ttawil ulac. Axxam n yilmeẓyen “Yusef u Qasi” yewwi lḥif, imi tiwwura-ines xas ldint, ala aḍu n usḥisef i d-ikeččmen.

Akka i uɣen tanumi yimezdaɣ n tiɣiwant-a. Yal remḍan d ahuzzu n lxiq iwmi i d-stufan ! Am wakken i t-id-yefra yiwen n yilemẓi isendan ɣef layas, deffir nnehta yenna : « Amer ahat imḍebbren i yellan di lmendad, ad rren lwelha ɣer wanect-a : ur yelli lεib di lewqam !!!»

Ait Slimane Hamid

source:dépêche de kabylie

Laisser un commentaire

 

The Soul of a Slayer |
AHL EL KSAR |
toutelactualite |
Unblog.fr | Annuaire | Signaler un abus | Halliburton Manufacturing &...
| Le Tallud 79200
| momema